మానవ పరిణామక్రమంలో ఏమేమి మార్పులు జరిగాయోగాని, ఒక్కోసారి ఈ చిన్నపిల్లల్లో వాళ్ళకై వాళ్ళే కొత్తవిషయాలను నేర్చుకోవటానికి వినూత్న మార్గాలను వెతుక్కుంటుంటారు. పల్లెటూళ్ళలో ప్రకృతి వడిలో నుండి వాళ్ళేంచుకునే సహజసిద్దమైన పద్దతులను చూస్తే ఒక్కోసారి ఆశ్చర్యం కలుగుతుంది.
కొండాపురం మండలం, కొత్తపాళెం గ్రామంలో మనీల్ అనే ఐదు సంవత్సరాల కుర్రవాడు అటువంటి తమాషా పద్దతినే ఎంచుకున్నాడు. వేపచెట్లకింద వేపకాయలను ఏరుకుంటూ ఒంట్లు (1,2,3,...) లెక్కబెట్టటంలో ప్రావీణ్యత సాధించాడు. ఈ విద్యార్ధిని అలాగే ప్రోత్సహించడంతో కొద్ది రోజులలోనే నోటి లెక్కలు చిన్నచిన్నవి నేర్చుకున్నాడు. 18+17 ఎంత అంటే 35 అని ఠక్కున చెప్పగలిగేవాడు. మూడంకెల కూడికలు, తీసివేతలు నోటి లెక్కలుగా చెప్పే స్థితికి ఎదిగాడు.
ఇది చాలా చిన్న విషయమే కదూ??
